Plantun de Prouvènço

Pèr coumpara dos planto d'encò nostre

Gentiana lutea & Juncus capitatus

Genciano

Gentiana lutea

Gentianaceae

Àutri noum : Genciàna, Jansano, Sensano, Baselico.

Noms en français : Gentiane jaune, Grande Gentiane.

Descripcioun :
La genciano es uno grando erbo que trachis dins li pasquié de mountagno. I'a pas pèr s'engana, pamens s'acampas sa racino, avisas-vous que siegue pas de varaire, Veratrum album forço empouisounanto ! La genciano a li fueio óupousado au contro dóu varaire que soun alterno.

Usanço :
Es uno planto bèn couneigudo pèr èstre subretout vertuouso dins li proublèmo de digestioun. Sa racino s'emplego pèr adouba d'aigarden (coume la Suze). Se pòu bouta direitamen la racino dins de vin blanc pèr n'en faire d'aperitiéu o de digestiéu quouro sias "stoumaga". Pamens "lou vin de sensano es amar que te fa pua'n'ase pèr la chaminèio ! (in J.-L. Domenge, LMT op.cit. p. 59).

Port : Grando erbo
Taio : 80 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 cm
Flourido : Estiéu

Sòu : Ca
Autour basso e auto : 100 à 2200 m
Aparado : Noun
Juliet à setèmbre

Liò : Pasquié - Prado umido - Bos clar
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Gentiana lutea L., 1753

Jounc(-en-tèsto)

Juncus capitatus

Juncaceae

Noms en français : Jonc en têtes, Jonc à inflorescences globuleuses.

Descripcioun :
Aquéu pichoun jounc trachis dins li mueio e li riéusset di terraire séusous. Pòu faire de pichòti mato. Se recounèis à sis enflourejado en tèsto, redouno e despassado pèr uno bratèio pu o mens longo. Li tepalo, de 3 à 4 mm, soun pounchudo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 3 à 4 mm
Flourido : Printèms

Sòu : Si
Autour basso e auto : 0 à 1700 m
Aparado : Noun
Abriéu à jun

Liò : Riéusset - Mueio - Roudan
Estànci : Termoumediterran à Mountagnard
Couroulougi : Mediterrano-Atlantico
Ref. sc. : Juncus capitatus Weigel, 1772

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana lutea & Juncus capitatus

ges

Coumpara Genciano emé uno autro planto

Coumpara Jounc(-en-tèsto) emé uno autro planto